مجموعة ومضات جميلة جداً للمبدع ( أيهاب المالكي ) شعر شعبي عراقي جديد 2014

السلام عليكم

هذه مجموعة ومضات جميلة جداً للمبدع (أيهاب المالكي)
أتمنى أن تعجبكم

سولفلي بعد محتاجك هواي
محتاجك ابكد ما فاركتني
رحت جم يوم عني وتعرف اشصار
عشر سنين يمكن كبرتني

فرق اعيونك اعله الوادم هواي
لذلك لمن اتمر صعبه يمشون
بحيث اتبين انت عيونك كبار
واليمك شلع ما عدهم اعيون

أحبك مو حجاية ابشعري تنكال
أحبك صوت حسره ابين الانفاس
لأن حبك احساس بروحي موجود
وبعد ما لاكي كلمة اتوصف الاحساس

خلل سوه جمالك بالقناعات
الأجمل من جمالك وين نلكاه
بعد حتى الحلو امن انقارنه وياك
يم حسنك انكله (استغفر الله)

هسه انساك ما انساك بعدين
كل مره اني اعذرك صارن هواي
أنه رديت منك شابع جروح
مثل ما يشبع الغركان بالماي

أنه مشتاكلك كد ما إلي جروح
أطيبهن واحس ايفزن عناد
تدري شلون حالي لمن اتروح
مثل حال العراق بلايه بغداد

» الدهر ياصاح بالفرقة ولانه .. شعر شعبي عراقي زهيري جديد 2014
» شبيدي عله الصار يا صاحبي وشجره , شعر شعبي عراقي جديد 2014 عتاب حب فراق حزن عشق
» نزل دمعي بغيابك ماكو منه , شعر شعبي عراقي جديد 2014 ابوذية حب عتب فراق حزن عشق رومانسية
» اجيت بكل صلافة , شعر شعبي عراقي جديد 2014 حب عتاب فراق حزن عشق غرام رومانسية
» ياصاح كلبي انكسر عيب اتحصل لحمته شعر شعبي عراقي جديد 2014 زهيري حب عتاب حزن عشق رومانسي